ಪ್ರकविಯ ವಲಯ

ಮನುಜಾಯಣ ಭಾಗ-೨

ಪ್ರकवि — Sun, 30 May 2010 09:38:35 +0000

ಮನುಜಾಯಣ

ನಗರವೆಂದರೇನು?
ನೆಲ ಕಾಣದಷ್ಟು ಜನ ತುಂಬಿ
ತುಳುಕಿದೂರಲ್ಲಿ ಎಲ್ಲೆಲ್ಲೂ ಮನುಜರಿರಲೂ
ಹಿಡಿದು ಭೂತಗನ್ನಡಿಯ ಅವಲೋಕಿಸಲೂ
ಚೂರು ಮನುಷ್ಯತ್ವ ಕಾಣಸಿಗದ
ಸ್ವಾರ್ಥಿಗಳ ಮತ್ಸರಲೋಕ

ಮನುಕುಲವೆಂದರೇನು?
ಚಂದ್ರಲೋಕಕೆ ಲಗ್ಗೆಯಿಟ್ಟ,
ಜೀವರಹಸ್ಯವ ಭೇದಿಸುತಿಹ
ಜ್ಞಾನ ವಿಜ್ಞಾನವು ಪ್ರಕಾಶಿಸಲೂ
ಅಂಧಕಾರದಲೇ ಮುಳುಗಿಹ
ಕಣ್ಣುಳ್ಳ ಕುರುಡರ ಸಂತೆ

ಮನುಜನೆಂದರಾರು?
ಜಗ, ಜಗದಗಾಧ ವನ್ಯರಾಶಿ
ಸಕಲ ಜೀವಸಂಕುಲ
ಸಹಸ್ರ ಸಂಪನ್ಮೂಲಗಳಿಹವು
ತನ್ನ ಸೇವೆಗೆಂದೇ ಎನುವ
ತನದೇ ಇಂದ್ರಿಯಗಳ ದಾಸಾನುದಾಸ

ಇದು, ಈ ಬ್ಲಾಗಿನಲ್ಲಿ ೯ ಜನವರಿ, ೨೦೦೯ ರಂದು ಪ್ರಕಾಷಿಸಿದ ಮನುಜಾಯಣ ಕವನದ ಎರಡನೆಯ ಭಾಗ. ಮೊದಲನೆಯದನ್ನು ನೋಡಲು, ಇಲ್ಲಿ ಕ್ಲಿಕ್ಕಿಸಿರಿ.

ಪ್ರಕವಿ(Prakavi)
©2010 Pradeep Features. All rights reserved.

Filed under: ಕನ್ನಡ, ಕವನ, ಕ್ರಾಂತಿ, ಮನುಜಾಯಣ, Kannada Poems, kavana Tagged: 2010, ಇಂದಿನ ಮನುಜ, ಕಟು ವಾಸ್ತವ, ಕನ್ನಡ, ಕನ್ನಡ ಕವನ, ಕವನ, ಕ್ರಾಂತಿ, ನಗರವೆಂದರೇನು?, ಮನುಕುಲವೆಂದರೇನು?, ಮನುಜ, ಮನುಜನೆಂದರಾರು?, ಮನುಜಾಯಣ, ವಾಸ್ತವ, ೨೦೧೦, kannada, kannada kavana, kannada poem, Kannada Poems, kavana, kranti

ಕಾಣದ ಕವಿತೆ

ಪ್ರकवि — Mon, 15 Mar 2010 21:05:54 +0000

ಕಾಣದ ಕವಿತೆ

ಕಾಣದ ಕವಿತೆಯ ಹಾಡಲಿ ಹೇಗೆ
ನೋಡದೆ ನಿನ್ನನು ಬಾಳಲಿ ಹೇಗೆ
ಹೇಳೆಯಾ.. ನೀ ಹೇಳೆಯಾ..
ಪ್ರೀತಿಯ ಸುಡುವುದೇ ವಿರಹದ ಬೇಗೆ?

ಅಪ್ಪಳಿಸಿ ಕೊರೆವ ಕಡಲ ಅಲೆಗಳ,
ಮನ ವನದಿ ಅಲೆದಾಡುವ ಕಾಡ್ಗಿಚ್ಚ ಕಿಡಿಗಳ,
ಹೇಳೆಯಾ.. ನೀ ಹೇಳೆಯಾ..
ಭಾವ ಸಾಗರವ ತಡೆದಿಡಲಿ ಹೇಗೆ?

ಕಣ್ಣೆಂಬ ಪುಟದಲ್ಲಿ ನೀನಿಂತು ನಿಂತೆ
ಎದೆಯೆಂಬ ರಥದಲ್ಲಿ ನೀನಿಂತು ಕುಂತೆ
ಕೇಳೆಯಾ.. ನೀ ಕೇಳೆಯಾ..
ಮನವೆಂಬ ಊರೆಲ್ಲ ನೆನಪೆಂಬ ಸಂತೆ…

ಯುಗಾದಿಯ ಹಾರ್ದಿಕ ಶುಭಾಶಯಗಳು…
ಪ್ರಕವಿ(Prakavi)
©2010 Pradeep Features. All rights reserved

Filed under: ಕನ್ನಡ, ಕವನ, ಕವಿತೆ, ನೆನಪುಗಳು, ಪದ್ಯ, ಪ್ರೇಮ, ವಿರಹ, Kannada Poems, kavana Tagged: 2010, ಕನ್ನಡ, ಕನ್ನಡ ಕವಿತೆ, ಕನ್ನಡ ಪದ್ಯ, ಕವನ, ಕವಿತೆ, ಕಾಣದ ಕವಿತೆ, ಪ್ರೇಮ ಕವನ, ವಿರಹ ಕವನ, ವಿರಹ ಕವಿತೆ, ೨೦೧೦, kaanada kavite, kannada, kannada kavana, kannada kavite, kannada padya, kannada poem, Kannada Poems, kavana, kavite, padya, prema, prema kavana, viraha, viraha kavana, viraha kavite

ಕಂಗ್ಲೀಷ್ ಮಹಾತ್ಮೆ

ಪ್ರकवि — Fri, 12 Feb 2010 14:03:26 +0000

ಕಂಗ್ಲೀಷ್ ಮಹಾತ್ಮೆ

ಕಂಗ್ಲೀಷೆಂದರೆ,
ಹಂಪಿಯ ಅವಶೇಷಗಳ ನಡು ನಡುವೆ
ನಿಂತ ವ್ಯವಹಾರ ಮಳಿಗೆಗಳು..
ಪಟ್ಟದಕಲ್ಲ ರುಂಡ ತುಂಡಾದ
ಧ್ವಂಸ ವಿಗ್ರಹಗಳು..
ದೇಹಕೆ ಜೀವ ನೀಡುವ ಶ್ರೇಷ್ಠ
ನೈವೇದ್ಯದೊಳ ಕಲ್ಲ ಚೂರುಗಳು..

ಕಂಗ್ಲೀಷೆಂದರೆ,
ಚಹದಲ್ಲಿ ತೇಲಾಡುವ ನೋಣ,
ಅಮೃತ ಜಲದೋಳು ರೋಗದ ಕಣ,
ದುರ್ಬಳಕೆಯಿಂದ ಹರಿದ ಹಣ,
ನಡೆದಾಡುವ ಜೀವಂತ ಹೆಣ,
ಬೆಲ್ಲ ಕಹಿಯಾದ ಕ್ಷಣ..
ಕಂಗ್ಲೀಷಿಗರಿಗೆಲ್ಲಿ ಕನ್ನಡದ ಋಣ?

ಕಿರುಚಿ ಕೂಗುವುದು ಕತ್ತೆಯು
ತಾನು ಕೋಗಿಲೆಯೆಂದು..
ಬೊಗಳಿ ಬೀಗುವರು ಕಂಗ್ಲೀಷರು
ತಾವು ಕನ್ನಡಿಗರೆಂದು….

ಪ್ರಕವಿ(Prakavi)
©2010 Pradeep Features. All rights reserved.

Image Attributes:
http://commons.wikimedia.org/wiki/File:Donkey-06.jpg
http://commons.wikimedia.org/wiki/File:Asian_koel.jpg

Filed under: ಕನ್ನಡ, ಕವನ, ಕ್ರಾಂತಿ, Kannada Poems, kavana Tagged: 2010, ಕಂಗ್ಲಿಷ್, ಕಂಗ್ಲೀಷು, ಕಂಗ್ಲೀಷ್, ಕಂಗ್ಲೀಷ್ ಮಹಾತ್ಮೆ, ಕನ್ನಡ, ಕನ್ನಡ ಕವನ, ಕವನ, ಕ್ರಾಂತಿ, ೨೦೧೦, kanglish, kanglish mahatme, kanglishu, kannada, kannada kavana, kannada poem, Kannada Poems, kavana, kranti

ವ್ಯವಹಾರ ಲೋಕವಯ್ಯಾ…

ಪ್ರकवि — Sat, 02 Jan 2010 09:26:54 +0000

ವ್ಯವಹಾರಮಯ ಲೋಕ....

ಆತ ನೋಡಿದನು ಚೆಲುವ
ಆಕೆ ನೋಡಿದಳು ಕಿಸೆಯ
ವ್ಯವಹಾರಮಯ ಈ ಲೋಕದಲ್ಲಿ
ನೋಡರಾರೂ ಗುಣವ…

ಆಕೆ ಸೆಳೆದಳು ಸೊಬಗಿಂದ
ಆತ ಸೆಳೆದನು ಧನದಿಂದ
ವ್ಯವಹಾರಮಯ ಈ ಲೋಕದಲ್ಲಿ
ಸೆಳೆವರಾರೂ ಒಲವಿಂದ…

ಪ್ರಕವಿ(Prakavi)
©2010 Pradeep Features. All rights reserved

Posted in ಕನ್ನಡ, ಕವನ, ಕ್ರಾಂತಿ, Kannada Poems, kavana Tagged: 2010, ಕನ್ನಡ, ಕನ್ನಡ ಕವನ, ಕವನ, ಕ್ರಾಂತಿ, ವ್ಯವಹಾರ ಲೋಕ, ವ್ಯವಹಾರ ಲೋಕವಯ್ಯಾ, ವ್ಯವಹಾರಮಯ ಲೋಕವಯ್ಯಾ, ೨೦೧೦, kannada, kannada kavana, kannada poem, Kannada Poems, kavana, kranti, vyavahaara loka, vyavahaaramaya loka, vyavahaaramaya lokavayya

ಮಾಟದಾ ಪೆಟ್ಟಿಗೆ…

ಪ್ರकवि — Thu, 15 Oct 2009 10:37:59 +0000

ಮಾಟದಾ ಪೆಟ್ಟಿಗೆ

ಬಂದು ಕೂತೈತೆ
ಮನೆಮಂದಿ ನಡುವೆ
ಮಾಟದಾ ಪೆಟ್ಟಿಗೆ,
ನೋಡಿದಾಯಿತು ದಿನನಿತ್ಯ
ಅವರಿವರ ಹೊಡೆದಾಟ
ಮರುಗಿದಾಯಿತು ನೋಡಿ
ಅವರಿವರ ಸಂಕಷ್ಟ
ಬೇಕೆ ಅತ್ಯಾಚಾರ?
ಹೊಲಸು ರಾಜಕೀಯ?
ತುಂಬಿತೆಲ್ಲವು ತುಂಬುಮನೆಯಲ್ಲಿ
ಮತ್ತೀಗ ನೋಡಿ
ಮಾಟದಾ ಪರಿಣಾಮ
ಇದ್ದ ಮುದ್ದಿನ ಮಕ್ಕಳೊಳು
ಕಾದಾಟ, ಬಡಿದಾಟ
ಒಂದು ಕತ್ತಿಯಾಗೆ
ಇನ್ನೊಂದು ದೊಣ್ಣೆ
ಹೆತ್ತಮ್ಮನ ಕಣ್ಣಲ್ಲಿ
ಸುರಿವ ಧಾರಾವಾಹಿ..

ಅಂದ ಹಾಗೆ.. ಈ ಕವನ ಬರೆದದ್ದು ನನ್ನ ತಾಯಿ.
ಪ್ರಕವಿ(Prakavi)
©2009 Pradeep Features. All rights reserved

Posted in ಕನ್ನಡ, ಕವನ, Kannada Poems, kavana Tagged: 2009, ಕನ್ನಡ, ಕನ್ನಡ ಕವನ, ಕವನ, ದೂರದರ್ಶನ, ದೂರದರ್ಶನದ ದುಷ್ಪರಿಣಾಮಗಳು, ಮಾಟದಾ ಪೆಟ್ಟಿಗೆ, ೨೦೦೯, idiot box, kannada, kannada kavana, kannada poem, Kannada Poems, kavana, maatada pettige, matada pettige

ದ್ವಿಪದಿಗಳು :: ಬದಲಾವಣೆ ಜಗದ ನಿಯಮ

ಪ್ರकवि — Tue, 08 Sep 2009 06:00:08 +0000

ಕಾಲವೆಲ್ಲವನೂ ಬದಲಿವುದೆನುವೇಕಯ್ಯಾ
ಕಾಲವಲ್ಲ, ಕಾಲದೊಡನೆ ಬದಲಾಗುವನು ಮನುಷ್ಯನಯ್ಯಾ..

ಹಿನ್ನೆಲೆಯಂತೆ ಬಣ್ಣ ಬದಲಾಯಿಸುವುದು ಓತಿಯಯ್ಯಾ
ಸಂದರ್ಭಕೆ ಬಣ್ಣ ಬದಲಾಯಿಸುವನು ಮನುಷ್ಯನಯ್ಯಾ..

ಋತುವಿನಂತೆ ಬದಲಾಗುವುದು ನಿಸರ್ಗವಯ್ಯಾ
ಸ್ವಾರ್ಥಕೆ ಬದಲಾಗುವನು ಮನುಷ್ಯನಯ್ಯಾ..

ಕಗ್ಗಲ್ಲ ಬಂಡೆಯೂ ಮರಳಾಗುವುದಯ್ಯಾ
ಬದಲಾಗದೊಲ್ಲವನು ಉಳಿವನೇನಯ್ಯ..

ಬದಲಾವಣೆ ಜಗದ ನಿಯಮವಯ್ಯಾ
ಆದರೆ, ಬದಲಾವಣೆ ಒಳಿತಿಗೇ ಇರಲಯ್ಯಾ…

ಪ್ರಕವಿ(Prakavi)
©2009 Pradeep Features. All rights reserved.

Posted in ಕನ್ನಡ, ಕವನ, ಕ್ರಾಂತಿ, ದ್ವಿಪದಿಗಳು, dwipadigalu, Kannada Poems, kavana Tagged: 2009, ಒಳಿತಿನ ಬದಲಾವಣೆ, ಕನ್ನಡ, ಕನ್ನಡ ಕವನ, ಕವನ, ಕ್ರಾಂತಿ, ದ್ವಿಪದಿ, ದ್ವಿಪದಿಗಳು, ಬದಲಾವಣೆ, ಬದಲಾವಣೆ ಜಗದ ನಿಯಮ, ೨೦೦೯, badalaavane, badalaavane jagada niyama, dwipadi, dwipadigalu, kannada, kannada kavana, kannada poem, Kannada Poems, kavana, kranti

ನಿನ್ನ ಮರೆಯಲಾರೆ…

ಪ್ರकवि — Wed, 26 Aug 2009 04:39:35 +0000

ನಿನ್ನ ಗೆಲುವೆನೆಂದು ಅಂದು
ನಿನಗೆ ಮನವ ಸೋತೆ
ನಿನ್ನ ಮರೆವೆನೆಂದು ಇಂದು
ಪಣವ ಕಟ್ಟಿ ಸೋತೆ

ಮರೆಯಾದರೂ ಕಣ್ಣ ಕಡಲಲ್ಲಿ
ನಲಿದಾಡುವೆ ಮನದ ಮುಗಿಲಲ್ಲಿ
ವಿರಹ ಬೆಂದರೂ ಒಡಲ ಮಡಿಲಲ್ಲಿ
ನೆಲೆಸಿರುವೆ ಎದೆಯ ಒಡಲಲ್ಲಿ

ಒಡೆದರೂ ನನ್ನೆದೆಯು
ಮಿಡಿವುದು ನಿನಗಾಗಿ
ಕೊಲೆಯಾದ ಕನಸುಗಳು
ಕಾಡುವವು ಗರವಾಗಿ

ನಿನ್ನ ಮರೆಯಲಾರೆನೇಕೆ
ಮಹಾ ಮರೆಗುಳಿಯಾದರೂ
ನಿನ್ನ ಬಯಸದಿರಲಾರೆನೇಕೆ
ಬಯಕೆಯ ಕೋಟೆ ಕುಸಿದರೂ…

Posted in ಕನ್ನಡ, ಕವನ, ಕವಿತೆ, ಪದ್ಯ, ಪ್ರೇಮ, ಮನ, ವಿರಹ, Kannada Poems, kavana Tagged: 2009, ಕನ್ನಡ, ಕನ್ನಡ ಕವನ, ಕನ್ನಡ ಕವಿತೆ, ಕನ್ನಡ ಪದ್ಯ, ಕವನ, ಕವಿತೆ, ಗೆಲುವು, ನಿನ್ನ ಮರೆಯಲಾರೆ..., ಪ್ರೇಮ ಕವನ, ಪ್ರೇಮ ರೋಗ, ವಿರಹ ಕವನ, ವಿರಹ ಕವಿತೆ, ಸೋಲು, ಸೋಲು-ಗೆಲುವು, ಹಾಳು ಪ್ರೇಮ ರೋಗ, ೨೦೦೯, kannada, kannada kavana, kannada kavite, kannada padya, kannada poem, Kannada Poems, kavana, kavite, mana, ninna mareyalaare, padya, prema, prema kavana

ತೈಲಶಕಟ ಪ್ರಸಂಗ

ಪ್ರकवि — Mon, 10 Aug 2009 07:23:20 +0000

ತೈಲಶಕಟ ಪ್ರಸಂಗ

ಕಸದ ರಾಶಿಯಲಿ ತುಂಬಿ ತುಳುಕುವ
ನೊಣಗಳಂತೆ ಜಿಣುಗುವ ಜನ
ತುಂಬಿದ ತೈಲಶಕಟ ವಾಹನದೊಳು
ಅಲೆದಾಡುತಲಿದ್ದ ನೋಟ ಚಂಗನೆ
ನಿಂತಿತು ಬೆರಗಾಗಿ ನಿನ್ನ ಕಂಡು!

ಅಂಜದಿರು, ಹರೆಯದ ಪ್ರಾಯದಲಿ
ಹೀಗಾಗುವುದಸಮಾನ್ಯವೇನಲ್ಲ..
ಹಸಿದ ತೋಳಗಳಂತೆ ದಿಟ್ಟಿಸುವವರು
ಹಾಳು ಬೀಳಲಿ, ಮರೆತು ಅವರನೆಲ್ಲ
ಒಮ್ಮೆ ನೊಡು ನನ್ನನೇ, ಕಾದಿಹೆ ಭೇಟಿಗೆ..

ಸಹಸ್ರ ಗುಂಡಿಗಳಲಿ ಎದ್ದು ಬಿದ್ದು
ಮುಂದುವರೆವ ತೈಲಶಕಟದಲಿ
ಚಟ್ನಿಯಾಗುವಂತೆ ತುಂಬಿ ನೇತಾಡುವ
ರಾಹುಗಳು ಅಡ್ಡಡ್ಡ ಬಂದು
ತಂದಿಹರು ನಿನ್ನ ಮುದ್ದು ಮೊಗಕೆ ಗ್ರಹಣ..

ಬಳಿ ಬರಲೆಂದು ಮುಂದೆ ಬಂದರೆ
ಒತ್ತಡದಿ ನೂಕಿದಂತಾಗಲು ಹೊರಬೀಳುವರು
ಮುಂದಿನ ಬಾಗಿಲಲಿ ನೇತಾಡುವ ಬೇತಾಳರು!
ಬದುಕಲಿ ಬಡಜೀವಗಳು, ನಮ್ಮ ಸ್ಟಾಪ್
ಬಂದೊಡನೆ ಭೇಟಿಯಾಗೋಣ, ಜಾರಿಕೊಳ್ಳಬೇಡ!

ಎಲ್ಲಿ ಮಾಯವಾಗಿಹೆ ಇಷ್ಟು ದಿನ?
ನೀನಿರದ ಡಬ್ಬಾ ಗಾಡಿಯಲಿ
ಪ್ರಯಾಣವು ಬಲು ಪ್ರಯಾಸವು!
ನಿನಗೆಂದೇ ಒಂದು ಸ್ಟಾಪ್ ಮೊದಲು ಇಳಿವವನಿಗೆ
ಚೂರು ದಯೆ ತೋರು, ಪುಟ್ಟ ನಗೆ ಬೀರು…

ಈ ಹಾಳು ನೂಕು ನುಗ್ಗಾಟದಲ್ಲೊಂದು
ಕಣ್ಣು ಜೇಬಿನ ಮೇಲೆ, ಮತ್ತೊಂದು
ನಿನ ಮೇಲಿಟ್ಟು ಒದ್ದಾಡುತಿರುವೆ..
ನಾಳೆ ಈ ಗಾಡಿಯಲಿ ಬರಬೇಡ ಕನ್ಯೆ,
ಮುಂದಿನ ತೈಲಶಕಟ ಚೂರು ವಾಸಿ…

Posted in ಕನ್ನಡ, ಕವನ, ನೆನಪುಗಳು, ನೋಡಿದ ನೆನಪು, ಪಯಣ, ಪ್ರೇಮ, Kannada Poems, kavana Tagged: 2009, ಕನ್ನಡ, ಕನ್ನಡ ಕವನ, ಕವನ, ತೈಲಶಕಟ ಪ್ರಸಂಗ, ತೈಲಶಕಟ ಪ್ರಸಂಗಂ, ತೈಲಶಕಟದ ಕನ್ಯೆ, ತೈಲಶಕಟದ ಕನ್ಯೆಗೆ, ಪ್ರಯಾಣ, ಪ್ರೇಮ ಕವನ, ಪ್ರೇಮ ರೋಗ, ಬಸ್ ಪ್ರಯಾಣ, ಬಸ್ ಪ್ರಸಂಗ, ವ್ಯಂಗ್ಯ, ವ್ಯಂಗ್ಯ ಕವನ, ಸವಿ ನೆನಪುಗಳು, ಹಾಳು ಪ್ರೇಮ ರೋಗ, ೨೦೦೯, bus prasanga, kannada, kannada kavana, kannada poem, Kannada Poems, kavana, prema, prema kavana, tailashakata prasanga, tailashakata prasangam

ಆ ದಿನಗಳು…

ಪ್ರकवि — Wed, 05 Aug 2009 06:28:27 +0000

ಕಾಲೇಜೆಂದರೆ ಅಜೀವನ ವನವಾಸ
ಪರೀಕ್ಷೆಯೆಂದರೆ ಯುದ್ಧಕಾಲೇ ಶಸ್ತ್ರಾಭ್ಯಾಸ
ಹಾಜರು ಪ್ರತಿ ಶನಿವಾರ ಮಧ್ಯಾಹ್ನ
ಚಿತ್ರಮಂದಿರದಲಿ ಆಶೀಷ, ಪ್ರದೀಪ, ಶ್ರೀಹಾಸ!

ಲೋಕವೊಂದು ದುಷ್ಟರ ಕೂಟ
ಅದರಲ್ಲಿ ನಾವು ಕೆಲ ದುಷ್ಟರು
ಅಂತಿಂಥ ದುಷ್ಟರಲ್ಲ ಸ್ವಾಮೀ!
ಅವರಿವರ ತಲೆ ತಿಂದು ತೇಗುವವರು..

ಭೌತಶಾಸ್ತ್ರದ ಭೂತ ಬಿಡಲಿಲ್ಲ
ಲೆಕ್ಕಶಾಸ್ತ್ರದ ಲೆಕ್ಕದರಿವಿಲ್ಲ
ರಾಸಾಯನಶಾಸ್ತ್ರವೇನೋ ತಿಳಿದಿಲ್ಲ
ಹೋಟೇಲಿನ ರಾಸಾಯನ ತಿಂದು ತೇಗಿದ್ದೇ ಸಾಧನೆ!

ವಿದ್ಯುನ್ಮಾನವು ಶಾಕ್ ಹೊಡೆದರೂ
ಮೆದುಳ ಬಲ್ಬು ಉರಿಯಲಿಲ್ಲ
ಇಂಗ್ಲೀಷು, ಕನ್ನಡ ತರಗತಿಯ ಕ್ಷಣಗಳೂ ಯುಗವಾದವು
ಅಂತೂ ಟೈಂ ಡೈಲೇಷನ್ ಅರ್ಥವಾಯಿತಲ್ಲ!

ಪ್ರಯೋಗಶಾಲೆಯಲ್ಲಿ ನಡೆಯದು ಪ್ರಯೋಗ
ತಲೆ ಜಜ್ಜಲೂ ಬರದು ಫಲಿತಾಂಶದ ಯೋಗ
ಆಕಳಿಸುವುದರಲ್ಲಿ ನೂರಕ್ಕೆ ನೂರು ಹೊಡೆದಿಹೆವು
ಎಂದೆಂದೂ ಮರೆಯಲಾಗದ ಬೀ.ಎಸ್ಸಿ ದಿನಗಳಿವು!!

Posted in ಕನ್ನಡ, ಕವನ, ನೆನಪುಗಳು, Kannada Poems, kavana Tagged: 2009, aa dinagalu, ಆ ಕಾಲೇಜಿನ ದಿನಗಳು, ಆ ದಿನಗಳು, ಕನ್ನಡ, ಕನ್ನಡ ಕವನ, ಕವನ, ಕಹಿ ನೆನಪುಗಳು, ಕಾಲೇಜಿನ ದಿನಗಳು, ಕಾಲೇಜು, ನಮ್ಮ ಕಾಲೇಜಿನ ದಿನಗಳು, ನೆನಪು, ನೆನಪುಗಳು, ಬಿ.ಎಸ್ಸಿ ದಿನಗಳು, ಬೀ.ಎಸ್ಸಿ ದಿನಗಳು, ಸವಿ ನೆನಪುಗಳು, ೨೦೦೯, B.Sc dinagalu, college days, college dinagalu, kannada, kannada kavana, kannada poem, Kannada Poems, kavana, nenapu, nenapugalu

ಮೋಹ ಮಾಯೆ

ಪ್ರकवि — Wed, 15 Jul 2009 06:56:47 +0000

ಮೋಹವೊಂದು ಮಾಯೆ
ದ್ರೋಹವದರ ಛಾಯೆ..
ಮಾಯೆ ಮೋಡಿ ಮಾಡಲು
ಛಾಯೆ ಎಂದೂ ಕಾಣದು..

ಕಣ್ಣಲೇ ಎದೆಯ ದೋಚುವ
ಮಾಯಾವಿಯೇ ಹೇಳು,
ದೋಚಿ ನನ್ನೆದೆಯ
ಪಡೆದೆಯೇನನು?

ದೋಚಿದ ಎದೆಯ ಆಡಿಸಿ
ಕಾಡಿಸಿ ಬಳಸಿ ನೋಯಿಸಿ
ಎಸೆವುದೇ ಮೋಜಿನ
ವಿಷಯವೇನು?

ಕನಸಿನ ತೋಟದ ಹೂಗಳನೆಲ್ಲ
ಕಿತ್ತು ಮುಳ್ಳನು ಬಿಟ್ಟು
ಹೋಗುವುದೇ ನಿನ್ನ
ಕಾಯಕವೇನು?

ಮಾಯೆ ಮುರಿದು, ಕಾರ್ಮೋಡ ಸರಿದು
ಬೆಳಕು ಹರಿಯಲು ಹರಡಿಹವು
ಒಡಲ ತುಂಬಾ ರಕ್ತಸಿಕ್ತ
ಎದೆಯ ಸಾವಿರ ಚೂರುಗಳು…

Posted in ಕನ್ನಡ, ಕವನ, ಕವಿತೆ, ಪದ್ಯ, ಮೋಹ, ವಿರಹ, Kannada Poems, kavana Tagged: 2009, ಕನ್ನಡ, ಕನ್ನಡ ಕವನ, ಕನ್ನಡ ಕವಿತೆ, ಕನ್ನಡ ಪದ್ಯ, ಕವನ, ಕವಿತೆ, ದ್ರೋಹ, ಮಾಯೆ, ಮೋಹ ಮಾಯೆ, ಮೋಹ ಮಾಯೆ ದ್ರೋಹ ಛಾಯೆ, ವಿರಹ ಕವನ, ವಿರಹ ಕವಿತೆ, ೨೦೦೯, droha, kannada, kannada kavana, kannada kavite, kannada padya, kannada poem, Kannada Poems, moha, moha maaye, moha maaye droha chaaye