ಮನುಜಾಯಣ

ಮನುಜಾಯಣ

ಹೆಸರಲ್ಲೇನಿದೆ?
ವಿಶಾಲ ಬ್ರಹ್ಮಾಂಡದನಂತ ದಿಕ್ಕುಗಳೊಳ
ನಭೋಮಂಡಲದ ಹೊದಿಕೆಯುಳ್ಳ
ಭೂಮಂಡಲದ ಮೈ ಮೇಲ್ಗಡೆ ಚಲಿಸುವ
ವಾನರ ಬಾಂಧವರ ಮೆದುಳುಳ್ಳ ಬುದ್ಧಿಗೇಡಿಯ
ಗುರುತು ಹಿಡಿಯಲಿಹುದು ಹೆಸರು..

ವಿಳಾಸದಲ್ಲೇನಿದೆ?
ಸೀಳಿ ಭೂಗರ್ಭವ, ಹಿಚುಕಿ ಭುವಿಯುಸಿರ
ಕಡಿದು ತನ್ನುಸಿರ ತಾನೇ
ಮೆರೆದು ಹಾಹಾಕಾರದಿ ಜಗದೊಡೆಯನಂತೆ
ಬೀಗುವ ಮೆದುಳುಳ್ಳ ಮೂರ್ಖನ
ವಾಸಸ್ಥಾನಕೆ ಕೈಪಿಡಿ ವಿಳಾಸ..

ನಿನ್ನಲ್ಲೇನಿದೆ?
ರವಿಯ ಸಂಘದ ಸದಸ್ಯರ ಸುತರಲಿ
ಶ್ರೇಷ್ಟನಾಗಿ ಹತ್ಯೆಯೆಸಗಿ ಆತ್ಮಸಾಕ್ಷಿಯ
ಶೋಷಿಸಿ ಅನ್ಯ ಭೂಸುತರ
ಮೆರೆವ ಮೆದುಳುಳ್ಳ ಮುಠ್ಠಾಳನೆಂಬ
ಸ್ವಾರ್ಥದಿ ಕೊಬ್ಬಿದ ಅವಿದ್ಯಾವಂತ ಅಕ್ಷರಸ್ಥ…

ಈ ಕವನದ ಎರಡನೆಯ ಭಾಗ, ಮನುಜಾಯಣ ಭಾಗ-೨ ನೋಡಲು ಇಲ್ಲಿ ಕ್ಲಿಕ್ಕಿಸಿರಿ

ಪ್ರಕವಿ(Prakavi)
©2009 Pradeep Features. All rights reserved.